blogosperyo

hindi ko pinangarap na maging sikat ang tumblr at blogspot ko. at hindi rin naman batayan ng pagiging sikat ang pagkakaron ng napakadaming followers na hindi mo naman alam kung binabasa nila ang bawat post mo at naiintindihan ka sa bawat hinaing mo.hindi isang popularity contest ang blogspot at social networks. mas itinuturing kong isang pribadong bahagi ng buhay ko ang mga online diaries katulad nito at mas kinokonsiderang isang malaking silbi na may mabalikan ako kung sakaling dumating ang time na magkaron ako ng amnesia o insert anything here . dito ko rin mas naipapakilala kung ano ako at kung anong tunay kong nararamdaman ng walang halong pagkahiya, mailabas ko ang opinyon ko at magbigay ng komento mula sa malawak na pagmamasid sa bawat pangyayari sa buhay ko.

oo, masarap magkaron ng fans, maraming tagasubaybay sa bawat pagsulat mo, tadtarin ka ng mga papuri, comment o mga tanong. pero pasensya na, hindi ito ang pangunahing layunin ko upang sumali sa mundo ng blogosperyo.dahil kung un lamang ang gusto ko, sana kinarir ko na ang pagiging pulitiko.

sa ngaun, alam ko isa o dalawa lamang ang sumusubaybay sa mga hinanakit ko sa buhay, pero mas natutuwa ako dun. dahil alam kong mas nakikilala nila ang bawat saloobin ko. mas nagkakaron ako ng koneksyon sa mga taong ito. at mas nararamdaman kong naappreciate nila ang bawat hinaing ko. hindi ko kailangan ng maraming followers kung isa lamang palamuti sa webpage nila ang URL ko. hindi ko kailangan ng komento kung sasabihin lang naman nilang "please add me up" at mas hindi ko kailangan ng mga tanong na parang Q and A portion lang lalo na kung tungkol lamang sa pag-ibig. utang na loob, marami din akong tanong about dyan.

masyadong malalim ang pananaw ko sa pagkakaron ng pagkakataong magsulat sa libreng blogspot. masyadong pinahahalagahan ko ang nararamdaman ko hindi upang ipagsigawan sa karamihan na ganito ako ka-tanga at ka-emo. sagrado ang blogosphere para sakin. opinyon ko ito, nararamdaman ko 'toh.




mundo ko ito. eto ako.
at hindi ko pinagpipilitan sau kung ayaw mo.